Svæðið er afmarkað á korti.  Bærinn stendur í fjallshlíð þar sem veiðiland er fyrir ofan bæinn.  Jörðin er samtals 913 hektarar en það nýtist ekki allt til veiða þar sem ekki er leyfilegt að skjóta fyrir neðan bæinn eða nálægt vegi númer 842 sem liggur um jörðina.

Fjallshlíðin er gróin og náttúrulegt birkilendi er í kringum Sexhólagil.  Hægt er að leggja við bæinn og ganga upp frá honum að veiðisvæði.

Hægt er að bóka gistingu á staðnum.  Gamli bærinn býður upp á uppábúin rúm, eitt einbreitt og eitt tvíbreitt rúm.  Stofa með sófasetti, sjónvarpi og þráðlausu neti.  Salerni með sturtu, þvottahús með þvottavél og þurrkara.  Eldhús með öllum græjum sem þarf.  Hægt er að hafa samband við umsjónarmann varðandi bókanir í síma 861-0006 eða á netfangið kiddijons63@gmail.com.

Veiðimenn eru beðnir um að gæta sérstaklega að landamerkjum Litluvalla og Lækjarvalla í norðri.  Landamerkin eru Sexhólagil, þar sem Sexhólagili sleppir er hlaðinn grjótgarður sem nær langleiðina niður að Bárðardalsvegi og markar landamerkin.