Svæðið er afmarkað á korti. Aðkomuleiðir að svæðinu eru tvær, Reykjaheiðavegur upp frá Húsavík og Þeistareykjavegur frá Hólasandi (vegur 87). Reykjaheiðavegur/Þeistareykjavegur er uppbyggður og liggur í gegn um Þeistareyki frá Kísilvegi (vegur 87) og niður á Húsavík, þessi vegur liggur að öllum 4 veiðisvæðunum. Fjöldi slóða er á svæðinu sem geta verið þugfærir sökum snjóþyngsla. Öll svæðin eru mjög fjölbreytt en á þeim má finna fjalllendi, hraun, mólendi og gíga. Vegir eða vegslóðar skilja að öll svæðin en ytri mörk þeirra eru sveitarfélagsmörk.

Veiðisvæði 4 á Þeistareykjum afmarkast á eftirfarandi hátt

• Norður: Vegslóði sem liggur sunnan Kvíhólafjalla og norðan Einbúa austur að sveitarfélagamörkum við Skútustaðahrepp.
  
• Suður: Fylgir landamerkjagirðingu á sveitarfélagamörkum við Skútustaðahrepp.
• Austur: Sveitarfélagamörk við Skútustaðahrepp.
• Vestur: Nýji Þeistareykjavegur
  

Svæði 4 er 3.558 hektarar að stærð.